ပေပင်မြစ်ကူးတံတားမကြာခင်ဖွင့်မည်
မြို့တော်ပုသိမ်နဲ့ ငပုတောမြို့တို့ကို ကုန်းလမ်းကနေ ဆက်သွယ်သွားလာနိုင်ဖို့ (၂၁)မိုင်ကျော်ရှည်တဲ့ ကားလမ်းတစ်ခုကို နာဂစ်လွန်ကာလမှာ စတင် အကောင်အထည်ဖေါ်ခဲ့ရာ ကတ္တရာခင်းကားလမ်း ပြီးစီးပြီဖြစ်ပြီး လမ်းပေါ်မှာရှိနေတဲ့ ပေပင်မြစ်နဲ့ သက္ကယ်သောင်မြစ်ကူး တံတားနှစ်စင်းအနက် အရှည်ပေ(၈၀၀)ရှိတဲ့ ပေပင်မြစ်ကူး တံတားကို တည်ဆောက်ပြီးစီးပြီ ဖြစ်လို့ မကြာခင် ဖွင့်လှစ်တော့မှာ ဖြစ်ကြောင်း သိရှိရပါတယ်။
 |
| ပေပင်မြစ်ကူးတံတား |
မကြာခင်ဖွင့်လှစ်မယ့် ပေပင်မြစ်ကူးတံတားသည် မြို့တော်ပုသိမ်မှ(၅)မိုင်အကွာ ကန်ကြီးထောင့်မြို့နယ် ရှမ်းရွာအနီးတွင် တည်ရှိပြီး ယခင် ပုသိမ် ရှမ်းရွာသွား ကားလမ်းအတိုင်းသွားပြီး ရှမ်းရွာမရောက်ခင် မိုင်ဝက်ခန့်အလိုတွင် ချဉ်းကပ်လမ်းခွဲထွက် ဆက်သွယ်ထားသော တံတားဖြစ်ကြောင်းနှင့် တည်ဆောက်ဆဲ သက္ကယ်သောင်တံတား ဖွင့်လှစ်ပြီးပါက မြို့တော်ပုသိမ်မှ ငပုတောမြို့သို့ တစ်နာရီအတွင်း သွားရောက်နိုင်မှာ ဖြစ်ကြောင်း သိရှိရပါတယ်။
No comments:
Post a Comment