မြို့တော်ပုသိမ်က စာဖတ်ရှိန်မြှင့်တင်ရေး စာအုပ်များလှူဒါန်းပွဲ
ကျေးရွာစာကြည့်တိုက်များ ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေး စာအုပ်များလှူဒါန်းပွဲ အခမ်းအနားကို ယနေ့ညနေ(၄)နာရီက မြို့တော်ပုသိမ် ဇင်ပြွန်းကုန်းကျေးရွာအုပ်စု သိမ်စမ်းကျေးရွာ စာကြည့်တိုက်အနီး ယာယီမဏ္ဍပ်မှာ ကျင်းပခဲ့ရာ တိုင်းဒေသကြီးအစိုးရအဖွဲ့ အကြီးအကဲကိုယ်တိုင် တက်ရောက်ချီးမြှင့်ပြီး အမှာစကားပြောကြားခဲ့ပါတယ်။
 |
| လှူဒါန်းသည့်စာအုပ်များနှင့် တီဗွီ |
အခမ်းအနားမစတင်မီမှာ စာပေဗိမာန်စာမူဆုနှင့် ပခုက္ကူဦးအုန်းဖေစာပေဆုရ စာရေးဆရာ ပုသိမ်ရန်နောင်စိုးက စာဖတ်ခြင်း၏အကျိုးကျေးဇူး ခေါင်းစဉ်နဲ့ စာပေဟောပြောပွဲ ကျင်းပခဲ့ပါတယ်။
 |
| ဆရာပုသိမ်ရန်နောင်စိုး ဟောပြောစဉ် |
အခမ်းအနားမှာ ကျေးရွာစာကြည့်တိုက်များ အတွက် စာအုပ်များကို တာဝန်ရှိသူများက ပေးအပ် လှူဒါန်းခဲ့ရာ ရွှေမြင်တင်ကျေးရွာ သစ်ပုတ်ကုန်းကျေးရွာ ၀ါးယားချောင်းကျေးရွာ မရမ်းချောင်းကျေးရွာ စာကြည့်တိုက်များမှ စာကြည့်တိုက်မှူးများက လက်ခံရယူခဲ့ကြပါတယ်။
 |
| အခမ်းအနားသို့တက်ရောက်ကြသူများ |
ဆက်လက်ပြီး သိမ်စမ်းကျေးရွာ ပညာတံခွန်စာကြည့်တိုက်အတွက် တီဗွီနှင့် အီးဗွီဒီအောက်စက် တစ်စုံကို အလှူရှင်တစ်ဦးက ပေးအပ်လှူဒါန်းကာ စာဖတ်ရှိန်မြှင့်တင်ရေး စာစီစာကုံးပြိုင်ပွဲ ပုံပြောပြိုင်ပွဲနဲ့ စာဖတ်စွမ်းရည် ပြိုင်ပွဲတို့မှာ ဆုရရှိခဲ့ကြတဲ့ ကျောင်းသား ကျောင်းသူများကို ဆုချီးမြှင့်ခဲ့ကြောင်း သိရှိရပါတယ်။
No comments:
Post a Comment