မြို့တော်ပုသိမ်တွင် သီလရှင်ဆရာလေး၏ မေတ္တာရေစင်ဖြင့် ဆေးကုသ
မြို့တော်ပုသိမ် ရပ်ကွက်(၂)နယ်မြေရှိ နိဂြောဓါရုံ ညောင်ပင်သာ ပရိယတ္တိစာသင်တိုက်တွင် သာသနာပြု သီလရှင် ဆရာလေး ဒေါ်သုနန္ဒာက ၈.၃.၂၀၁၂ မှ ၁၁.၃.၂၀၁၂ ရက်နေ့ထိ (၄)ရက်တိုင်တိုင် သစ္စာ မေတ္တာ အဓိဋ္ဌာန် ရေစင်ဖြင့် (၇)ရက်သားသမီး ဝေနေယျများ၏ ရောဂါအမျိုးမျိုးကို မေတ္တာဖြင့် ကုသပေးခဲ့ရာ လာရောက်သူ ဝေဒနာရှင်များဖြင့် အထူးစည်ကားခဲ့ကြောင်း သိရှိရပါတယ်။
 |
| သီလရှင်ဆရာလေး တရားဟောနေစဉ် |
သက်တော်(၄၄)နှစ် ၀ါတော်(၅)၀ါရှိ သာသနာပြုဆရာလေး ဒေါ်သုနန္ဒာသည် မကွေးတိုင်းဒေသကြီး နတ်မောက်မြို့နယ် ကျွဲမင်းကျကျေးရွာ နာမ်ချွန် နာမ်ထူး နာမ်မြင့် တောရကျောင်းတွင် သီတင်းသုံးနေထိုင်ပြီး လွန်ခဲ့သော(၃)နှစ်မှစ၍ မြန်မာနိုင်ငံ အနှံ့အပြားမှ ရောဂါသည် ဝေဒနာရှင်များ ကို မေတ္တာဖြင့် ရေစင်ရေမန်းများ လိမ်းစေ သောက်စေကာ ကုသပေးခဲ့ရာ ဝေဒနာပျောက်ကင်းသူများ အများအပြားရှိကြောင်းနှင့် ဝေဒနာရှင်များက စေတနာဖြင့် လှူဒါန်းသော ငွေကြေးများကိုလည်း ဘုရားတည်ခြင်း ဘုန်းကြီးကျောင်းများ ဆောက်လုပ်ခြင်း စသည့် သာသနာပြု လုပ်ငန်းများ လုပ်ကိုင်နေသူဖြစ်ကြောင်း သိရှိရပါတယ်။ အထူးသဖြင့် ဆွံ့အခြင်း နားမကြားခြင်း ချိနဲ့ခြင်း လမ်းမလျှောက်နိုင်ခြင်းနှင့် အကိုက်အခဲဝေဒနာများကို သီလရှင်ဆရာလေးက လက်ဖြင့်အုပ်၍ ဂါထာတော်များ ရွတ်ဖတ်ပေးခြင်းဖြင့် သက်သာပျောက်ကင်း သွားကြောင်း ဝေဒနာရှင် တစ်ဦး၏ သားဖြစ်သူကပြောပြပါတယ်။
 |
| သီလရှင်ဆရာလေးကြွမြန်းရာလမ်း၌ စောင့်ဆိုင်းနေသူများ |
ညောင်ပင်သာ ဆရာတော် ဘဒ္ဒန္တ ၀ိသုတ ( အဂ္ဂအဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ ) ဆရာတော်သည် နားလေးသောဝေဒနာကို ခံစားခဲ့ရပြီး ခေတ်မီဆေးဝါးများဖြင့် ကုသပျောက်ကင်းမှု မရှိသဖြင့် နတ်မောက်မြို့သို့သွားရောက်ကာ သီလရှင်ဆရာလေး ဒေါ်သုန္ဒာထံတွင် ကုသပျောက်ကင်း ခဲ့သဖြင့် ပုသိမ်သူ ပုသိမ်သားများအား ရောဂါဝေဒနာအမျိုးမျိုးမှ ကုသပျောက်ကင်းစေရန် အလို့ငှာ ဆရာလေးအား ပုသိမ်မြို့သို့ ပင့်ဆောင်ခဲ့ခြင်း ဖြစ်ကြောင်း သိရှိရပါတယ်။
No comments:
Post a Comment