မြို့တော်ပုသိမ်က ဒီပါရုံဘုရားပွဲတော်
ပုသိမ်မြို့နယ် မဲဇလီကျေးရွာအုပ်စု ရွှေတွင်းတူးကျေးရွာအနီး သီရိဓမ္မာသောကမင်းကြီး တည်ထား ကိုးကွယ်သော အတွင်းဒီပါရုံစေတီတော်မြတ်ကြီး၏ နှစ်စဉ်ကျင်းပမြဲ ဗုဒ္ဓပူဇနိယပွဲတော် ဖွင့်ပွဲအခမ်းအနား ကို ယနေ့နံနက် (၉)နာရီမှာ ဘုရားတောင်ခြေ စောင်းတန်းထိပ် မုခ်ဦး၌ ကျင်းပခဲ့ကြောင်း သိရှိရပါတယ်။
 |
| ဒီပါရုံရင်ပြင် အရုဏ်ဦးအလှ |
 |
| အလုံဒီပါရုံ အတွင်းဒီပါရုံ ရွှေတွင်းတူးဒီပါရုံ အမည်ရ မြတ်ဒီပါရုံစေတီတော် |
 |
| အနေကဇာတိသံသာရံ အစချီ၍ သံဃာ(၉)ပါးကအနေကဇာတင်နေစဉ် |
 |
| ဗုဒ္ဓပူဇနိယပွဲတော် ဖွင့်ပွဲကျင်းပစဉ် | | |
မြတ်ဒီပါရုံဘုရားပွဲတော်ကို ယနေ့မှ (၇.၃.၂၀၁၂)ရက်နေ့ အထိ ကျင်းပသွားမှာဖြစ်ပြီး မြို့တော် ပုသိမ်ကနေ ရွှေတွင်းတူးရွာအထိ သဘောင်္ဖြင့် ယင်းမှခြေလျင်ဖြင့် ရှေးယခင်ကကဲ့သို့ ဘုရားဖူး သွားရောက်နိုင်ပြီး လမ်းသစ်အနေနဲ့ ပုသိမ်မော်တင်ကားလမ်း မိုင်တိုင်အမှတ်၂၂/၄အနီး ဒီပါရုံလမ်းခွဲမှ တဆင့် မော်တော်ယာဉ် မော်တော် ဆိုင်ကယ် တို့ဖြင့်လည်း သွားရောက် ဖူးမျှော်နိုင်ပါတယ်။ ဥမ္မာဒန္တီမင်းသမီးက ပုသိမ်(၃၂)မြို့မှာ ပြန်လည်ပြုပြင် လှူဒါန်းသော ဒီပါ(၄)ဆူရှိပြီး ယင်းတို့မှာ ငပုတောမြို့နယ်မှ ပျဉ်းမချောင်းဒီပါရုံနှင့် ဘုရားလှ ဒီပါရုံ စေတီတော်၊ ပုသိမ်မြို့နယ်မှ ရွှေတွင်းတူး ဒီပါရုံစေတီတော်နှင့် ငါးသိုင်းချောင်းမြို့နယ်မှ သီတာကုန်းမြင့် ဒီပါရုံ စေတီတော်တို့ ဖြစ်ကြပါတယ်။
No comments:
Post a Comment