အစိုးရနဲ့ပြည်သူ ညီတူကြိုးစား ကျောင်းများသစ်လွင် မြို့တော်ပုသိမ်တွင်
မြို့တော်ပုသိမ် အမှတ်(၁)ရပ်ကွက် အမက(၁၄)ကျောင်းဝင်း အတွင်း၌ အတိုင်းအတာ ၅၃ပေx၃၅ပေ နှစ်ထပ် ကျောင်းဆောင်သစ် ဆောက်လုပ်ရန် အတွက် ပန္နက်တင်မင်္ဂလာ အခမ်းအနားကို ယနေ့ နံနက်(၉)နာရီအချိန်တွင် ယင်းကျောင်းဝင်းအတွင်း သတ်မှတ်နေရာမှာ ကျင်းပခဲ့ပါတယ်။
 |
| ပန္နက်တင်မင်္ဂလာကျင်းပစဉ် |
ထို့နောက် ကျောင်းခန်းမအတွင်း၌ ကျောင်းဆောင်သစ် ဆောက်လုပ်ရန်အတွက် အလှူငွေ ပေးအပ်ပွဲကို ဆက်လက် ကျင်းပခဲ့ရာ တိုင်းဒေသကြီး အစိုးရအဖွဲ့ အကြီးအကဲက ထောက်ပံ့ငွေကျပ်သိန်း(၉၀)ကို ပေးအပ် လှူဒါန်းခဲ့ပြီး ကျောင်းအကျိုးတော်ဆောင်အဖွဲ့ဝင်များနှင့် အလှူရှင်များက အလှူငွေကျပ်သိန်း(၃၀)ကို ဆက်လက် လှူဒါန်းခဲ့ကြောင်း သိရှိရပါတယ်။ မြို့တော်ပုသိမ်ရှိ ဥပဓိရုပ် မကောင်းသော မူလတန်းကျောင်း (၅၈)ကျောင်းကို တိုင်းဒေသကြီး အစိုးရအဖွဲ့၏ အစီအစဉ်ဖြင့် ပြုပြင်မွမ်းမံမှုများ ပြုလုပ်လျက်ရှိရာ ယင်းကျောင်းလည်း တစ်ကျောင်းအပါအ၀င် ဖြစ်ပါတယ်။
 |
| အလှူငွေပေးအပ်ပွဲအခမ်းအနား |
ယင်း နှစ်ထပ်ကျောင်းဆောင်သစ်ကို ကိုယ့်အားကိုယ်ကိုး တည်ဆောက်နေခြင်းဖြစ်ပြီး စုစုပေါင်းကုန်ကျငွေ ခန့်မှန်း သိန်း(၁၆၀)ခန့်ကုန်ကျမှာ ဖြစ်တဲ့အတွက် ကျောင်းသားဟောင်းများနှင့် စေတနာရှင်များက မြို့နယ်ပညာရေးမှူး ထံ ဆက်သွယ်လှူဒါန်းနိုင်ကြကြောင်း သိရှိရပါတယ်။
No comments:
Post a Comment