ပုသိမ်မြို့တော်မှာ Iron Cross အခမဲ့ဖျော်ဖြေမည်
ဧရာဝတီတိုင်းဒေသကြီး၏ မြို့တော်ပုသိမ်တွင် ယခုနှစ် တန်ဆောင်တိုင်ပွဲတော်ကို ယခင်နှစ်များနှင့်မတူ ပိုမို စည်ကားသိုက်မြိုက်စွာ ကျင်းပရေးအစီအမံ တစ်ရပ်အဖြစ်ပါဝင်သော ပြည်သူများ စိတ်ချမ်းမြေ့စွာ အပန်းဖြေနိုင်ရန်အတွက် နိုင်ငံကျော် တီးဝိုင်းဖြစ်သည့် Iron Cross တေးဂီတ၀ိုင်း၏ အခမဲ့ဖျော်ဖြေပွဲကို ပုသိမ်မြို့တော်မှာ ကျင်းပသွားမှာဖြစ်ပါတယ်။ မြို့တော်ပုသိမ်ရဲ့ ကျောက်တိုင်အားကစားကွင်းရဲ့ အရှေ့ဘက်ပွဲကြည့်စင်အနီးမှာ ၁၀ပေအမြင့် ပေ၆၀အရှည် ပေ၄၀အကျယ်ရှိသော စင်မြင့်ကို တည်ဆောက်ထားရှိတာကို တွေ့ရှိရပါတယ်။ Iron Cross တီးဝိုင်းအဖွဲ့ဟာ လာမယ့် တန်ဆောင်တိုင်လပြည့်နေ့ (၁၀.၁၁.၂၀၁၁)ရက်နေ့ ည(၇)နာရီကနေ (၁၁)နာရီအထိ ဖျော်ဖြေကြမှာဖြစ်ပြီး လေးဖြူအပါအ၀င် တီးဝိုင်းရဲ့ နာမည်ကျော်ပင်တိုင်အဆိုတော်များစွာ ပါဝင်မှာဖြစ်ပါတယ်။ တာဝန်ရှိသူများရဲ့ စေတနာ အစီအမံနဲ့ ယခုလို နိုင်ငံကျော်တီးဝိုင်းဖျော်ဖြေပွဲကို အခမဲ့ကြည့်ရှုခွင့် ရမယ့် အခွင့်အရေးအတွက် မြို့တော်ပုသိမ်သာမက ဧရာဝတီတိုင်းဒေသကြီး အတွင်းရှိ အခြားမြို့နယ်များမှ အိုင်စီပရိသတ်များစွာဟာ ဒီဖျော်ဖြေပွဲကို ရင်ခုန်လျက်ရှိနေကြကြောင်း သိရှိရပါတယ်။
 |
| Iron Cross တီးဝိုင်းအဖွဲ့၏ဖျော်ဖြေပွဲတစ်ခု |
No comments:
Post a Comment