ကျောက်ငူကမ်းဘေး၌ မြေသားအက်ကွဲမှု ဖြစ်ပေါ်
ယမန်နေ့က မြို့တော်ပုသိမ်၏ အမှတ်(၆)ရပ်ကွက်နယ်မြေ ကျောက်ငူရပ် (ကျောက်ထီးကြီးအနီး) ကမ်းနားလမ်းဘေးရှိ မြေသားအချို့အက်ကွဲမှုဖြစ်ပေါ်ခဲ့ကြောင်း သိရှိရပါတယ်။ မည်သည့် အကြောင်းကြောင့် ထိုသို့ဖြစ်ပွါးရသည်ကို သက်ဆိုင်ရာဌာနများက ထုတ်ဖေါ်ပြောကြားခြင်းမရှိသေးသဖြင့် ပြည်သူလူထုမှာ အမျိုးမျိုးထင်ကြေးပေး ပြောဆိုနေကြပါတယ်။ လွန်ခဲ့သည့် နှစ်ရက်က မြို့တော်ပုသိမ်မှာ ချိန်ခါမဟုတ် မိုးရွာသွန်းမှု ဖြစ်ပေါ် ခဲ့ခြင်းက အကြောင်းရင်းတစ်ရပ် ဖြစ်နိုင်သော်လည်း မိုးရာသီ တစ်လျောက် ထိုသို့ မဖြစ်ပေါ်ခဲ့သဖြင့် အတိအကျပြောရန် ခက်ခဲကြောင်း မြေလွှာအက်ကွဲမှုသည် အကြောင်းအမျိုးမျိုးကြောင့် ဖြစ်နိုင်ကြောင်း မြစ်ကမ်းဘေးဖြစ်သဖြင့် အောက်ခံမြေလွှာကို ရေတိုက်စားကာ အပေါ်ယံမြေလွှာ အိကျသွားခြင်းလည်းဖြစ်နိုင်ကြောင်း အခြားတစ်ချက်မှာ ယခုအက်ကွဲသည့် နေရာ၏ ကမ်းဘက်အခြမ်းတွင် သစ်ပင်ကြီးများရှိနေပြီး ထိုသစ်ပင်များကို ကုန်တင်မော်တော်ကြီးများက ထိန်းကြိုးများချည်နှောင်ရာမှ မော်တော်များ များလာသည်နှင့်အမျှ ၀န်အားများလာပြီး ရေစီးအားပါ ပါသောအခါ သစ်ပင်များ ကိုနှဲ့သကဲ့သို့ဖြစ်ပြီး မြေသားအက်ကွဲလာခြင်းလည်း ဖြစ်နိုင်ကြောင်း စသည်ဖြင့် ထင်ကြေးပေးပြောဆိုနေကြပါတယ်။ သတ်မှတ်ဆိပ်ခံနေရာမှာ မရပ်နားဘဲ ကမ်းခြေတစ်လျောက် အဆင်ပြေသလို စည်းကမ်းမဲ့ ရပ်နားနေသည့် ကုန်တင်မော်တော်များကြောင့် မြစ်ကမ်းပြိုကျမည်ကိုလည်း လမ်းနေပြည်သူအချို့က စိုးရိမ်မကင်းရှိနေကြကြောင်း သိရှိရပါတယ်။ ယင်းနေရာ အနီးရှိ ကမ်းနားလမ်းကို စည်ပင်ပြည်သူပူးပေါင်းပြီး ကွန်ကရစ်လမ်း ခင်းပြီးသည်မှာ တစ်လခန့်သာရှိသေးသဖြင့် မြေသားအက်ကွဲမှုကြောင့် ကွန်ကရစ်လမ်းထိခိုက် ပျက်စီးမှာကိုလည်း လမ်းဘေးနေ ပြည်သူများက စိုးရိမ်လျက်ရှိကြောင်း သတင်းရရှိပါတယ်။
 |
| မော်တော်ကြီးများ၏ထိန်းကြိုးဆွဲအားကြောင့် ယခုလို မြေလွှာအက်ကွဲရသည်လား |
 |
| ဆိပ်ခံတွင်မရပ်နားဘဲ အဆင်ပြေသလိုစည်းကမ်းမဲ့ ရပ်နားနေသော ကုန်မော်တော်များ |
No comments:
Post a Comment