ပြည်ထောင်စုရွေးကောက်ပွဲ ကော်မရှင်အဖွဲ့ဝင်နှင့်တွေ့ဆုံပွဲ
ပြည်ထောင်စု ရွေးကောက်ပွဲကော်မရှင်အဖွဲ့ဝင် ဒေါက်တာဒေါ်မြင့်ကြည်နှင့် ဧရာဝတီတိုင်းဒေသကြီး ခရိုင်နှင့် မြို့နယ်ကော်မရှင်အဖွဲ့ခွဲဝင်များ တွေ့ဆုံပွဲကို ယနေ့ နံနက်ပိုင်းက ဧရာရွှေဝါခန်းမ၌ ကျင်းပခဲ့ကြောင်း သိရှိရပါတယ်။
 |
| ဒေါက်တာဒေါ်မြင့်ကြည်ကအမှာစကားပြောကြား |
တွေ့ဆုံပွဲသို့ ၂၀၁၂ခုနှစ် ဧပြီလ(၁)ရက်နေ့မှာ ကျင်းပမယ့် ကြားဖြတ်ရွေးကောက်ပွဲ ဆောင်ရွက်ရန်ရှိသည့် မြို့နယ်များနှင့် သက်ဆိုင်ရာ ခရိုင်များ၏ ကော်မရှင်အဖွဲ့ခွဲဥက္ကဋ္ဌများနှင့် တာဝန်ရှိသူများ တက်ရောက်ကြပြီး ဒေါက်တာ ဒေါ်မြင့်ကြည်က လွတ်လပ်ပြီး တရားမျှတသော ကြားဖြတ် ရွေးကောက်ပွဲကို အောင်မြင်စွာ ကျင်းပနိုင်ရေး အတွက် လမ်းညွှန်မှာကြားခြင်း ကော်မရှင် အဖွဲ့ခွဲများမှ ဥက္ကဋ္ဌများက လုပ်ငန်းဆောင်ရွက်ချက်များ တင်ပြခြင်း မရှင်းလင်း သည်များ မေးမြန်းခြင်းနှင့် ပြည်ထောင်စု ရွေးကောက်ပွဲကော်မရှင် အဖွဲ့ခွဲဝင်က ပြန်လည် ရှင်းလင်း ဖြေကြားခြင်းများ ဆောင်ရွက်ခဲ့ကြပါတယ်။
 |
| ကော်မရှင်အဖွဲ့ခွဲဝင်တစ်ဦးက ဆွေးနွေးစဉ် |
ဧရာဝတီတိုင်းဒေသကြီးအတွင်းမှာ လာမယ့် ကြားဖြတ်ရွေးကောက်ပွဲအတွက် ပုသိမ် မြောင်းမြ မအူပင် ၀ါးခယ်မ မြန်အောင်မြို့နယ် မဲဆန္ဒနယ်များ၌ ပြည်သူ့လွတ်တော် ကိုယ်စားလှယ်(၅)နေရာ ဖျာပုံနှင့် ဒေးဒရဲမြို့နယ်မဲဆန္ဒနယ်၌ အမျိုးသားလွှတ်တော် ကိုယ်စားလှယ်(၁)နေရာနှင့် ရေကြည်မြို့နယ် မဲဆန္ဒနယ်အမှတ်(၂)၌ တိုင်းဒေသကြီးလွှတ်တော် ကိုယ်စားလှယ်(၁)နေရာ စုစုပေါင်းလွှတ်တော် ကိုယ်စားလှယ်(၇)နေရာ လစ်လပ်လျက်ရှိကြောင်းသိရှိရပါတယ်။
No comments:
Post a Comment