မြို့ပြမြေစီမံခန့်ခွဲမှုသင်တန်း
ဆောက်လုပ်ရေးဝန်ကြီးဌာန မြို့ရွာနှင့်အိုးအိမ်ဖွံ့ဖြိုးရေးဦးစီးဌာန အောက်မှာရှိတဲ့ မြို့ပြသုတေသနနှင့် ဖွံ့ဖြိုးရေးဌာနနဲ့ UN-Habitat တို့ရဲ့ United Nations Human Settlements Programme အရ ပထမဆုံး ဖွင့်လှစ်ခဲ့တဲ့ Sustainable Land Management in Urban Context သင်တန်းကို ရန်ကုန်မြို့မှာ ၁၀.၉.၂၀၁၂ ကနေ ၁၆.၉.၂၀၁၂ အထိ ဖွင့်လှစ်ပို့ချခဲ့တယ်လို့ သိရှိရပါတယ်။
 |
| သင်ခန်းစာပို့ချမှု |
 |
| သင်တန်းဆင်းပွဲ |
 |
| သင်တန်းဆင်းလက်မှတ်ပေးအပ်ခြင်း |
အဲဒီသင်တန်းကို ပြည်နယ်တိုင်း ဒေသကြီး ၁၄ခုမှ အထွေထွေအုပ်ချုပ်ရေးဦးစီးဌာနနဲ့ စည်ပင်သာယာရေးအဖွဲ့များက အလယ်အလတ်အဆင့် အရာထမ်းများ ၂၇ဦး ရန်ကုန်နဲ့ မန္တလေးမြို့တော် စည်ပင်သာယာရေးကော်မတီများက အရာထမ်း ၃ဦး စုစုပေါင်း ၃၀ဦး တက်ရောက်ခဲ့ပါတယ်။ ယခင်အိုးအိမ်ဦးစီးက အငြိမ်းစား အရာရှိများနဲ့ UN-Habitat က ပညာရှင်များက သင်ခန်းစာများကို ပို့ချခဲ့ကြပြီး လေ့လာရေးခရီးစဉ် အနေနဲ့ ရွှေပြည်သာစက်မှုဇုန်နဲ့ သင်္ဃန်းကျွန်းက အိမ်ရာစီမံကိန်းများကို သွားရောက်ခဲ့ကြတယ်လို့ သိရှိရပါတယ်။
စီးပွါးရေးဖွံ့ဖြိုးမှု လူဦးရေတိုးပွါးမှု အလုပ်အကိုင် အခွင့်အလမ်းများပိုမိုရရှိနိုင်မှုတို့ကြောင့် မြို့ပြနေထိုင်သူ များပြားလာတဲ့အတွက် မြို့ပြဖြစ်ထွန်းမှုတွေ လျင်မြန်လာမှုနဲ့အတူ မြို့မြေစနစ်တကျ စီမံခန့်ခွဲနိုင်မှုဟာ ယနေ့ခေတ်မှာ အရေးတကြီး လိုအပ်ချက်ဖြစ်လာကြောင်း သိရှိရပါတယ်။
No comments:
Post a Comment