မြို့တော်ပုသိမ်မှ လူမှုအရင်းအနှီး
မြို့တော်ပုသိမ်ရဲ့ မြို့လယ်ခေါင်မှာ Community and Public Participation နဲ့ ခင်းခဲ့ကြတဲ့ ကွန်ကရစ်လမ်းပေါင်းက အခုဆိုရင်(၃၀)ကျော်သွားပြီ ဖြစ်ပါတယ်။ ဆက်လက်ပြီးတော့လည်း ကိုယ့်အားကိုယ်ကိုး ကွန်ကရစ်လမ်းတွေကို မြို့ပေါ်ရပ်ကွက်တွေမှာ အင်တိုက်အားတိုက်ခင်းနေကြဆဲပါ။ ထူးခြားတာက ပုသိမ်ကြိုးတံတား မရှိခင်က ငွေဆောင်သွားတဲ့ကားတွေ ဇက်ရေယာဉ်နဲ့ကူးပြီး တစ်ထောက်နားရလို့ စည်ပင်ဖွံ့ဖြိုးခဲ့ပေမယ့် ယနေ့အချိန်မှာ မြို့တော်ပုသိမ်နဲ့ နီးကပ်သော်လည်း တိုးတက်မှု ကျန်ခဲ့ရတဲ့ မြို့တော်တစ်ဖက်ကမ်းက ရပ်ကွက်(၉)နဲ့ ရပ်ကွက်(၁၀)တို့မှာပါ ကိုယ့်အားကိုယ်ကိုး ကွန်ကရစ်လမ်းတွေ ခင်းလာကြတာပဲဖြစ်ပါတယ်။ ရပ်ကွက်(၁၀)မှာဆိုရင် လမ်းမကြီးမှာ (၉)ပေအကျယ် ကွန်ကရစ်လမ်းက အရှည်ပေ(၂၂၀၀) အတွင်းလမ်းမှာ (၈)ပေအကျယ် ကွန်ကရစ်လမ်းက အရှည်ပေ(၄၅၀) ခင်းပြီးဖြစ်ပါတယ် ရပ်ကွက်(၉)နဲ့ဆက်သွယ်ဖို့ ကျန်တဲ့ လမ်းအရှည် ပေ(၈၀၀၀)ကျော်ကိုလည်း ဆက်ပြီးခင်းဖို့ ကြိုးစားနေကြပါတယ်။ ရပ်ကွက်(၉)မှာတော့ (၉)ပေအကျယ် ကွန်ကရစ်လမ်း အရှည်ပေ(၅၃၀၀)ကို ကိုယ့်အားကိုယ်ကိုး ခင်းခဲ့ရာမှာ ပေ(၁၂၀၀)ကျော် ပြီစီးခဲ့ပြီး တိုင်းဒေသကြီး အစိုးရအဖွဲ့ အကြီးအကဲ လာရောက်စဉ် မှာကြားချက်အရ မြို့နယ်စည်ပင်က ငွေကျပ်(၁၇၅)သိန်း ထည့်ဝင်ပေးမှာမို့ ဆက်လက် ခင်းနေပြီဖြစ်ပါတယ်။ ပိုပြီးထူးခြားတာကတော့ ကွန်ကရစ်လမ်းခင်းဖို့ တစ်အိမ် ဘယ်လောက်ကျလို့ ဘယ်လောက်ထည့်ပါဆိုပြီး ခွဲတမ်းချ ပုံစံမျိုးမဟုတ်ပဲ ရပ်ကွက်နေ ပြည်သူများရဲ့ စေတနာအလျောက် ထည့်ဝင်ငွေ၊ လမ်းသွားလမ်းလာတို့ရဲ့ အလှူငွေတွေနဲ့ အခုလိုလမ်းမျိုးဖြစ်လာအောင် ခင်းနိုင်ခဲ့ခြင်းဖြစ်ပါတယ်။ ဒါကြောင့် ရပ်ကွက်နေပြည်သူများရဲ့ ကြွယ်ဝမှုအဆင့်အတန်း လူနေထိုင်မှုအခြေအနေနဲ့ စီးပွါးဖွံ့ဖြိုးမှုတို့အရ ယခုလို ဆောင်ရွက်နိုင်မှုဟာ အံ့မခန်းချီးကျူးဖွယ်ဖြစ်ပါတယ်။ ရပ်ကျိုးရွာကျိုးကို ပူးပေါင်းဆောင်ရွက်တတ်တဲ့ ရိုင်းပင်းကူညီတတ်တဲ့ အလှူအတန်းရက်ရောတဲ့ မြန်မာ့ဓလေ့စရိုက်တွေဟာ မြို့လယ်ခေါင်မှာထက် ယခုလို ဆင်ခြေဖုံးတွေမှာ ပိုမိုတွေ့ရှိရလေ့ရှိပါတယ်။ ဒေသဖွံ့ဖြိုးရေးတည်ဆောက်ဖို့ လိုအပ်ချက်တွေထဲမှာ Social Capital လူမှုအရင်းအနှီးဆိုတာ တစ်ခုပါဝင်တာကို မသိနိုင်လို့ယူဆရတဲ့ မြို့တော်ပုသိမ် ဆင်ခြေဖုံး ရပ်ကွက်မှ ဆင်းရဲတဲ့(relatively) ပြည်သူတွေက လက်တွေ့ကျကျ ကျင့်သုံးနေကြတာကို မြင်လိုက်ရတာကလည်း ပိုပြီးအံ့သြ ဂုဏ်ယူဖွယ်ဖြစ်ရပါတယ်။ ဒီသတင်းကိုဖတ်မိတဲ့ မြို့တော်သူ/များကို ပေ(၈၀၀၀)ကျော်ခင်းဖို့ ကျန်သေးလို့ ၀န်နဲ့အားမမျှတာကို ဂရုမမူပဲ ထက်သန်တဲ့ Social Capital စိတ်ဓာတ်တွေနဲ့ ကြိုးစားနေကြတဲ့ ရပ်ကွက်(၁၀)ပြည်သူတွေကို တတ်အားသရွေ့ ၀ိုင်းဝန်းကူညီပေးကြဖို့ တိုက်တွန်းလိုက်ပါတယ်။
 |
| ရပ်ကွက်(၁၀) တာကိုင်းရပ်က ကွန်ကရစ်လမ်း |
 |
| ရပ်ကွက်(၁၀)က (၉)ပေအကျယ် ပေ(၂၂၀၀)အရှည် ကွန်ကရစ်လမ်း |
 |
| ရပ်ကွက်(၁၀)က (၈)ပေအကျယ် ပေ(၄၅၀)အရှည် ကွန်ကရစ်လမ်း |
 |
| စိန်ကုန်းဇက်ဆိပ်အနီး ငွေဆောင်လမ်းဟောင်း၌ ကွန်ကရစ်လမ်းခင်းနေသည် |
 |
| ပိတောက်ချောင်းကနေ စိန်ကုန်းသို့ ကွန်ကရစ်လမ်းခင်းနေသည် |
No comments:
Post a Comment