မြို့တော်ပုသိမ်က နှီးဘုရား
ပုသိမ်မြို့တော် ကမ်းနီကျေးရွာအုပ်စု ကြိုးတံတားထိပ် အနီးရှိ အေးချမ်းတဲ့အရိပ်အာဝါသနဲ့ ချမ်းမြေ့ဖွယ် ပတ်ဝန်းကျင်တို့ပြည့်စုံတဲ့ လောကနန္ဒာ စေတီတော် ပရ၀ဏ် အတွင်းမှာ ဆုတောင်းပြည့် အောင်စကြာ နှီးဗုဒ္ဓရုပ်ရှင်တော်မြတ် တစ်ဆူ ကိန်းဝပ်စံပယ်တော် မူလျက်ရှိပါတယ်။ အဲဒီရုပ်ရှင်တော်မြတ်ကို မြို့တော်ပုသိမ်မှ ဘုရားဒါယိကာ (ရွှေမြင့်မိုရ် သံထည်နှင့် ဂက်စ်မီးဖိုရောင်းဝယ်ရေး)နှင့် ၇ရက်သားသမီးများ၏ ကောင်းမှုဖြင့် ကောဇာသက္ကရာဇ် ၁၃၆၉ခုနှစ် သီတင်းကျွတ်လပြည့်ကျော် (၁၃)ရက်နေ့မှာ မြန်မာမှုနှီးပညာရှင် လုံးအွန်ဆိုင် (ခေါ်) ဦးဝိမလဗုဒ္ဓိနှင့် အဖွဲ့သားများက စတင်ရက်လုပ် ပူဇော်ခဲ့ပြီး တန်ဆောင်မုန်းလပြည့်ကျော်(၁၅)ရက်နေ့မှာ ပြီးစီးခဲ့ပါတယ်။ ယင်းနှစ် နတ်တော်လပြည့်ကျော်(၉)ရက် (၂၄.၁၂.၂၀၀၇)နေ့မှာ မုနိတော်၊ ဦးခေါင်းတော်၊ လက်ဝဲလက်ယာ လက်မောင်းတော် ဌာပနာတိုက်တို့မှာ ဌာပနာထည့်သွင်းပူဇော်ခဲ့ပြီး ဗုဒ္ဓါဘိသေကအနေကဇာတင် အခမ်းအနားကို အောင်မြင်စွာ ဆင်ယင်ကျင်းပခဲ့ပါတယ်။ နှီးဘုရားရက်လုပ်ခဲ့ရာမှာ-
(က) ဒေသခံကျေးရွာ(၁၁)ရွာမှ ခင်ပွန်းကြီးဆယ်ပါး ကံချေကန်တော့ခြင်း
(ခ) အဘိဓမ္မာခုနစ်ကျမ်း အသံမစဲ ရွတ်ဖတ်ပူဇော်ခြင်း
(ဂ) ဓမ္မစကြာနှင့် မေတ္တာသုတ် ရွတ်ဖတ်ပူဇော်ခြင်း
(ဃ) ဆရာတော်နှင့်တကွ ပရိတ်သတ်အားလုံးက သက်ကင်းအာဟာရကိုသာ သုံးဆောင်ကြခြင်း
(င) ၇ရက်သားသမီးများက သရဏဂုံတည်ကာ နှီးသပ် နှီးချောကြခြင်း
(စ) အပူဇော်ခံမည့် ရာဇမတ်အတွင်း သတ်သတ်မှတ်မှတ် ရက်လုပ်ပူဇော်ခြင်း စတဲ့ စည်းကမ်းချက်များနဲ့ ဆောင်ရွက်ခဲ့တာဖြစ်ပါတယ်။ နှီးဗုဒ္ဓရုပ်ရှင်တော်မြတ်ဆိုင်ရာ အချက်အလက်တွေကတော့-
ဉာဏ်တော်အမြင့် ၁၁ပေ ၃.၅လက်မ
ပလင်တော်အမြင့် ၂ပေ
ဒူးတော်နှစ်ဖက်အကျယ် ၉ပေ၉လက်မ တို့ဖြစ်ပါတယ်။
ပုသိမ်မြို့တော်ရဲ့ နံမည်ကျော် ချောင်းသာနဲ့ ငွေဆောင် ကမ်းခြေသို့ သွားရာလမ်းဘေးမှာ တည်ရှိတဲ့ အတွက် အပန်းဖြေခရီးထွက်ရင်း နှလုံးစိတ်ဝမ်း ငြိမ်းချမ်းစေရာ ကောင်းသောလိုရာဆန္ဒ ပြည့်ဝစေကြောင်း ၀င်ရောက်ဖူးမျှော် ဆုတောင်းနိုင်ပါကြောင်း သတင်းကောင်းပါးလိုက်ပါတယ်။
 |
| ပုသိမ်ကြိုးတံတားအလှ |
 |
| နှီးဘုရားသို့အ၀င်မုခ်ဦး |
 |
| ကျိုက်ထီးရိုးပုံစံတူစေတီ |
 |
| နှီးဗုဒ္ဓရုပ်ရှင်တော်မြတ်ကိန်းဝပ်ရာ စံကျောင်းတော် |
 |
| ဆုတောင်းပြည့် အောင်စကြာ နှီးဗုဒ္ဓရုပ်ရှင်တော်မြတ် |
 |
| ဆုတောင်းပြည့် အောင်စကြာ နှီးဗုဒ္ဓရုပ်ရှင်တော်မြတ် |
 |
| ဆုတောင်းပြည့် အောင်စကြာ နှီးဗုဒ္ဓရုပ်ရှင်တော်မြတ် |
No comments:
Post a Comment