သရောင်းမဟာစေတီတော် ဘက်စုံပြုပြင်မွမ်းမံမည်
မြို့တော်ပုသိမ်၏ အရှေ့ဘက် တစ်မိုင်ခန့်အကွာတွင် တည်ရှိပြီး ပုသိမ်(၃၂)မြို့၏ သမိုင်းဝင် မုဋ္ဌော(၉)ဆူ စေတီတော်များအနက်မှ အတွင်းမုဋ္ဌော(၅)ဆူတွင် တစ်ဆူအပါအ၀င် ဖြစ်သော သရောင်းမဟာစေတီတော်ကြီးကို ဘက်စုံ ပြန်လည်မွမ်းမံပြုပြင်ရန်အတွက် ညှိနှိုင်း အစည်းအဝေးကို ယမန်နေ့ နေ့လယ်က မဟာစေတီတော် ဂေါပကအဖွဲ့ရုံး၌ ကျင်းပပြုလုပ်ခဲ့ပြီး မြို့နယ်အဆင့် ဌာနဆိုင်ရာများနှင့် ရပ်မိရပ်ဖများ ပါဝင်သော ဘက်စုံမွမ်းမံပြင်ဆင်ရေးဦးစီးကော်မတီကို ဖွဲ့စည်းခဲ့ကြောင်း သိရှိရပါတယ်။ စေတီတော်ကြီး၏ ထီးတော်ကို မွမ်းမံပြုပြင်ခြင်း သပိတ်မှောက်အထိ မှန်စီရွှေချ သင်္ကန်းတော်ကို ခွါချပြီး ရွှေသင်္ကန်းပြန်လည်ကပ်လှူခြင်းနှင့် ပျက်စီးယိုယွင်းနေသော သာသနိက အဆောက်အအုံများကို ပြင်ဆင်ခြင်းလုပ်ငန်းများ ဆောင်ရွက်ရန် ငွေကျပ် သိန်းပေါင်း(၅၀၀)ကျော် ကုန်ကျမည်ဟု ခန့်မှန်းထားပြီး အစည်းအဝေးကျင်းပသည့် နေ့မှာပင် အလှူငွေ (၆၈.၅)သိန်း ရရှိထားပြီး ဖြစ်ကြောင်းနှင့် ပထမအကြိမ် အလှူငွေ ပေးအပ်ပွဲ အခမ်းအနားကို (၃၁.၁၂.၂၀၁၁)နေ့ နေ့လယ်တွင် မဟာစေတီ အရုဏ်ခံ တန်ဆောင်း၌ ကျင်းပရန်စီစဉ်ထားကြောင်း သိရှိရပါတယ်။ ရပ်ဝေးရပ်နီးမှ ကုသိုလ်ရှင်များကို ပါဝင်လှူဒါန်းကြရန်ဖိတ်ခေါ်ထားပြီး အလှူခံမဏ္ဍာပ်လည်း ဖွင့်လှစ်သွားမည်ဖြစ်ကြောင်း အဝေးမှကုသိုလ်ရှင်များသည် မြို့နယ်အုပ်ချုပ်ရေးမှူရုံး ဖုန်း ၀၄၂ ၂၅၃၆၄သို့ ဆက်သွယ်လှူဒါန်းနိုင်ကြောင်း သတင်းကောင်း ပါးလိုက်ရပါတယ်။
 |
| သရောင်းမဟာစေတီသို့အ၀င်လမ်း |
 |
| ထီးတော်သုံးဆင့်နှင့်မှန်စီရွှေချသင်္ကန်းတော် |
ပုသိမ်(၃၂)မြို့တွင်ပါဝင်သော သရောင်းချောင်းအနီးရှိ ကျိုက်ပိမြို့ဟောင်းဒေသ၏ ဘုရားအလောင်းတော် ခိုမင်းဖြစ်စဉ်က ကျက်စားခဲ့သော အရပ်တွင် တည်ထားသည့် သရောင်းမဟာစေတီ၏မူလဒါယိကာမှာ ပါဋလိပုတ်ပြည့်ရှင် သိရိဓမ္မာသောကမင်းကြီး ဖြစ်ပြီး ပုဂံပြည့်ရှင် အလောင်းစည်သူမင်းကြီးက ဒုတိယအကြိမ် မွမ်းမံ ပြင်ဆင်ခဲ့ပါတယ်။ တတိယအကြိမ် မွမ်းမံပြင်ဆင်သူမှာ ပုသိမ်(၃၂)မြို့ကို အုပ်ချုပ်ခဲ့သော သမုဒ္ဒဃောသမင်းနှင့် ဥမ္မာဒန္တီ မိဘုရားတို့ဖြစ်ကြောင်း လက်ရှိအချိန်တွင် စေတီတော်ကြီးသည် ဥာဏ်တော်အမြင့် ၁၃၁ပေ ၈လက်မ ပန်းတင်ခုံလုံးပတ် ၃၈၁ပေ ၁လက်မ ရှိကြောင်းသိရှိရပါတယ်။
 |
| သစ္စာမုနိရွှေစေတီနှင့် အောင်တော်မူစေတီ |
 |
| ပြုပြင်ရန်လိုအပ်နေသည့် တံခွန်တိုင် |
 |
| တစ်ကမ္ဘာလုံးငြိမ်းချမ်းအေးစေတီတော် |
 |
| သစ္စာမုနိငွေစေတီတော် |
 |
| နဂါးရုံဘုရား |
 |
| အရုဏ်ခံတန်ဆောင်းမှ ဆင်းတုတော် |
 |
| နန်းဦးသစ္စာ ဆုတောင်းပြည့်စေတီ |
 |
| ဘိုးတော်သိကြားမင်း |
 |
| ဆင်ဖြူတော် |
 |
| မဟာစေတီ၏ ဘုရားဒါယိကာမကြီး ဥမ္မာဒန္တီမိဘုရား |
 |
| သြ၀ါဒါစရိယဆရာတော်ထံမှ သြ၀ါဒခံယူ |
No comments:
Post a Comment