ICT exhibition in Pathein city

ဧရာဝတီ အိုင်စီတီနှင့် မိုဘိုင်းပြပွဲ ၂၀၁၂

   မြို့တော်ပုသိမ်မှာ ပထမဆုံးအကြိမ် ကျင်းပပြုလုပ်မယ့် Ayeyarwady ICT & Mobile Exhibition 2012 ကို ၂.၃.၂၀၁၂ နေ့ကနေ ၄.၃.၂၀၁၂ နေ့အထိ မြို့တော်ခန်းမမှာ ခမ်းနားထည်ဝါစွာ ဆောင်ရွက်သွားမယ်လို့ သိရှိရပါတယ်။

ICT ပြပွဲမှပြခန်းတစ်ခု

မြို့တော်ပုသိမ်ကပြပွဲမှာဒီကုမ္ပဏီလည်းပါတယ်

 
ဒီပြပွဲကို မြန်မာနိုင်ငံကွန်ပျူတာအသင်းချုပ်က ကြီးမှူးပြီး ဧရာဝတီတိုင်းဒေသကြီး ကွန်ပျူတာလုပ်ငန်းရှင် အသင်း ကွန်ပျူတာပညာရှင်အသင်းတို့က ဦးဆောင်ကာ မြို့တော်ပုသိမ်မှာ အိုင်စီတီ ပညာများ ကျယ်ကျယ်ပြန့်ပြန့် အသုံးပြုလာရေး ရည်ရွယ်ကျင်းပမှာ ဖြစ်ပါတယ်။ ပြပွဲမှာ  ပြခန်းပေါင်း(၃၀)ကျော် ပါဝင်မှာဖြစ်ပြီး Net Guide, MCC, ViewSonic, Panasonic, Soft Guide, For Every Group, Smart Dictionary, Golden Power, KingPower, IT Star, Concodia, Ygn Dev, Jewel, Ntt and AIBI စတဲ့ကွန်ပျူတာနဲ့ မိုဘိုင်းကုမ္ပဏီများက နောက်ဆုံးပေါ် ကွန်ပျူတာနည်းပညာများ၊ အသုံးချ ဆော့ဖ်ဝဲများ၊ ကွန်ပျူတာနဲ့ ဆက်စပ်ပစ္စည်းများ၊ အီလက်ထရောနစ်နဲ့ ဆက်သွယ်ရေးပစ္စည်းများ မိုဘိုင်း နည်းပညာနှင့် ပစ္စည်းများကို စုံစုံလင်လင် ပြသရောင်းချသွားမှာဖြစ်ပြီး မြို့တော်ပုသိမ်မှာ ပထမဆုံးကျင်းပမယ့် အိုင်စီတီနဲ့ မိုဘိုင်းပြပွဲ ဖြစ်တဲ့အတွက် မြို့တော်ပုသိမ်က အိုင်တီချစ်သူများ အိုင်တီပညာ လေ့လာသူများ မိုဘိုင်းနည်းပညာ စိတ်ဝင်စားသူများ အထူး မျှော်လင့်နေတဲ့ပြပွဲဖြစ်ကြာင်း သိရှိရပါတယ်။